AVR on Linux – 2 Atmega8 හඳුනාගැනීම

1

Posted by chanakalin | Posted in AVR micocontrollers, AVR on Linux, Linux | Posted on 21-11-2012

Tags: , ,

මුලින්ම Atmega8 හඳුනගන්න Datasheet එක ඩවුන්ලෝඩ් කරගන්න. සාමාන්‍යයෙන් ඕනෙම මයික්‍රොකන්ට්‍රෝලරයකට වගේ power දෙන්න පින් දෙකයි, reset පින් එකයි තියනව. ආයෙ oscillator එකට external oscillator එකක් හරි crystal එකක් හරි කනෙක්ට් කරනවනම් ඒකට පින් දෙකයි කියනව. Atmega8 වල 1Mhz internal oscillator එකකුත් තියනව. ඕනෙනම් ඒක පාවිච්චි කරන්නත් පුළුවන්. Reset පින් එක pull up resistor(10K වගේ) එකක් දාල 5V supply එකට සම්බන්ධ කරන්න ඕනෙ. Reset කරන්න ඕනෙ උනාම ඒක ground කරන්න ඕනෙ. පහල තියන රූපයෙ මූලිකව කරන්න ඕනෙ සම්බන්ධ කිරීම් ගැන තියනව. මමනම් මෙතන 8Mhz crystal එකක් සම්බන්ධ කරලයි තියෙන්නෙ.

Atmega8 වල I/O port තුනක් තියනව PORTB,PORTC,PORTD කියල. PORTB වලට PB0 – PB7 චක්වා පින් අටකුත් (PB6,PB7 I/O පින් විදියට පාවිච්චි කරන්න ඕනෙනම් Internal oscillator එක පාවිච්චි කරන්න වෙනව. External oscillator එකක් හරි crystal එකක් හරි සම්බන්ධ කරන්න වෙන්නෙ ඒවට), PORTC වලට PC0 – PC6 දක්වා පින් 7කුත් (PB6 Reset පින් එක විදියට වැඩ කරන්නෙ ඒක I/O පින් එකක් කරන්න පුළුවන් ඕනෙනනම්), PORTD වලට PD0-PD7 චක්වා පින් 8කුත් තියනව.  මේකෙ තියන මූලික පහසුකම් ගත්තොත් 10 bit ADC, PWM, I2C, SPI, USART, 8K flash,512bytes EEPROM, 1K SRAM, Enternal/Internal interrupts තියනව. තව 16MHz දක්වා වේගයකින් වැඩ කරන්න පුළුවන්.

AVR එක්ක වැඩ කරද්දි වැදගත්ම දෙයක් තමයි FUSE bits කියන්නෙ. කොටින්ම වැඩ කරනවනද නැද්ද කියල තියෙන ප්‍රධානම සාධකයක්. ඊලඟ ලිපියෙන් FUSE bits ගැනයි ප්‍රොග්‍රෑමර් එකට සම්බන්ධ කරන්නෙ කොහොමදයි කියල කියන්නම්.

AVR on Linux – 1 හැඳින්වීම

0

Posted by chanakalin | Posted in AVR micocontrollers, AVR on Linux, Linux | Posted on 21-11-2012

Tags: , ,

කාලෙකට පස්සෙ මේ පැත්තෙ එන්න ලැබුනෙ. කට්ටිය දන්නවනෙ AVR කියන්නෙ Microchip සමාගමේ PIC වගේ  Atmel සමාගමෙන් නිෂ්පාදනය කරන මයික්‍රොකන්ට්‍රෝලර් පෙලක් කියල. අද මම කියන්න යන්නෙ ලිනක්ස් මෙහෙයුම් පද්ධතියකදී කොහොමද AVR එකක් ප්‍රෝග්‍රෑම් කරන්නෙ කියල. Arduino බොර්ඩ් වලට පාවිච්චි කරන්නෙත් AVR මයිකෝකන්ට්‍රෝලර්ස් (හැබැයි ලඟදි ආව Arduino Due නම් ARM :P). මම මේකට තෝරගත්තෙ Atmega8A මයික්‍රොකන්ට්‍රෝලරය. මුලින්ම AVR ඉගෙනගන්න යන කෙනෙකුට Atmega8 නියමෙටම ගැලපෙනව. මිලත් රැ.300කට ආසන්නව වගේ තියෙන්නෙ.  මේකෙ පහසුකම් එක්ක බලද්දි මිලට වඩා ලොකු වටිනාකමක් තියනව. ප්‍රෝග්‍රෑමර් එකට මම පාවිච්චි කලේ USBasp එකක් (Lankatronicsල ගාව මේක තියනව).

මෘදුකාංග ගැන ගත්තොත් compiler එක විදියට මම පාවිච්චි කරන්නෙ avr-gcc. Tool set එක ගැනම විස්තරයක් http://savannah.nongnu.org/projects/avr-libc/ වල තියනව. Burn කරන්න පාවිච්චි කලේ AVRDude. IDE එකක් පාවිච්චි කරන්න ඕනෙනම් Eclipse වලට plugin එක දාගත්තම හරි. හැබැයි මම නම් පාවිච්චි කලේ එඩිටර් එක විදියට Gedit එකයි සමහර වෙලාවට Vim එකයි එක්ක Gnome terminal.

මෘදුකාංග Install කරගන්න Hanthana linux හරි , fedora හරි පාවිච්චි කරනවනම් මුලින්ම terminal එක ඕපන් කරගෙන su කමාන්ඩ් එක දීල root විදියට ලොග් වෙන්න. ඊට පස්සෙ  yum install gcc-avr binutils-avr avr-libc avrdude රන් කරන්න. Ubuntu හරි Lankanet Linux හරි පාවිච්චි කරනවනම් sudo apt-get install gcc-avr binutils-avr avr-libc avrdude කමාන්ඩ් එක terminal එකේ රන් කරන්න. දැං පටාන් ගන්නයි තියෙන්නෙ.  ඊලඟ පෝස්ට් එකෙන් වැඩ පටන් ගනිමු. මේක PIC on Linux වගේ නවත්තන්නෙ නෑ. ඒක තවත්තන්න වුනේ මම PIC අතෑරල AVR  වලට මාරු වුණ නිසා. ඒකට හේතුවනම් MPLAB X තුන් පාරක් ඩවුන්ලෝඩ් කරන්න ගිහිල්ලත් අන්තිම 10MB විතර ඩවුන්ලෝඩ් වෙන්නෙ නැතිව වැඩේ දෙල් වීමයි PIC ඉගෙනගන්න ඕනෙ කියපු යාළුවෙකුට PicKit 2 එක දීමයි. එයා PIC ඉගෙනගත්ත දවසට එයාටම කියල PIC ගැන පටන් ගන්නම්. මොකද මට වඩා දෙයක් වෙන කෙනෙකුට දෙයක් තේරෙන්න කියල දෙන්න එයාට පුළුවන්.

මගේ බැංකු අත්දැකීම්

9

Posted by chanakalin | Posted in අත්දැකීම් | Posted on 03-09-2012

ඊමේල් කවිකාරට( http://emailkavikaari.blogspot.com/2012/08/blog-post_21.html ) වගේ මටත් තියනව තාම ඔන්ගොයින් බැංකු අත්දැකීමක්. මම E-bay වලින් ගත්ත බඩු වගයක් ලැබුනෙ නැතුව refund එකක් සෙලර් දුන්න. සාමාන්‍යයෙන් දවස් තුනක් ඇතුලත Account එකට සල්ලි එනව. මම පාවිච්චි කරන්නෙ HNB debit card එකක්. Refund ලැබුනෙ පහුගිය අගෝස්තු 19 වෙනිද. දවස් පහක් විතර බලල සල්ලි නැති පාර card center එකට කෝල් එකක් දීල බැලුව. එතකොට “*නීට” කියල කෙනෙක් කීව සිස්ටම් අවුලක් තියනව ඒක නිසා තව දවස් දෙකක් ඇතුලත වැඩේකරල දෙන්නම් කියල. වැඩේ වෙන්නෙ නැති පාර ආයෙ ගත්ත. මට කෝල් එකක් ගන්නම් කියල කීව ඒත් ගත්තෙ නෑ. ඔය වෙද්දිත් සෑහෙන ගානක් ටෙලිෆෝන් කෝල්ස් වලටම ගිහින් තිබුණෙ. පස්සෙ ගත්ත “වටිනාකම නිම කල නොහැකි” වගේ නමක් තියන අයිය කෙනෙකුට. එයා තමයි ඇත්ත තත්වෙ පැහැදිලි කරල කීවෙ. ඇත්තටම ප්‍රශ්නෙ තියෙන්නෙ මහ බැංකුවෙන් පනවල තියන නීති නිසා කියල. සල්ලි එයාලට ලැබිල තියනව මට ආදායම් එන මාර්ගයක් විදියට Paypal refunds කියල දාල KYC form එකක් card center එකට ෆැක්ස් කරන්න කියල කීව සල්ලි account එකට දාන්න. ඒ අගෝස්තු 30. එදා හවස A/L පේපර් ඉවර වෙච්ච ගමන් වරකාපොල HNB branch එකට ගිහින් ඒකත් කලා. අද වෙනකමුත් වැඩේ වෙලා නෑ. ඒ පාර ආයෙත් කෝල් එකක් ගත්ත. අද කියනව KYC form එක ලැබිල නෑ කියල. ඒ පාර ආයෙ කෑගල්ලෙ HNB branch එකට ගිහින් ආයෙත් KYC එකක් ෆැක්ස් කලා. එතකොට කියනව වෙන නම්බර් එකකට ඒක ආයෙ එවන්න කියල. ඒකටත් යැව්ව. ඊට පස්සෙ “*නීට” කියනව තව දවස් තුනක් ඇතුලත වැඩේ කරල දෙන්නම් කියල. “වටිනාකම නිම කල නොහැකි” අයිය මට ඔය කතාව සේරම පැහැදිලි කරල කියනකම් මට card center එකේ එක්කෙනෙක්වත් හරි පැහැදිලි විස්තරයක් කීවෙත් නෑ ඒකට කරන්න ඕනෙ මොනවද කීවෙත් නෑ. ඕක අර “*නීට”ට මම මුලින් කෝල් කරපු වෙලාවෙම කියන්න තිබුණ උත්තරයක්. එයාලත් පිනට පඩි අරන් ඉන්නව වගේ වැඩක් තමා කරන්නෙ. මොන කේස් එක උනත් අද තව වෙනකම් මට හරි විසඳුමක් ලැබිල නෑ. “*නීට”ගෙ උත්තරේ මට වැඩේ වෙනකම් පිලිගන්න බෑ. එයා කලිනුත් ඕකම මට කියල තියන නිසා. එයාගෙ පොරොන්දුත් ඡන්ද පොරොන්දු වගේම තමා.

ඔය ප්‍රශ්නෙ ඔහොම උනත් HNB එකේ customer care ගොඩක් හොඳයි. වෙන දෙයක් කරගන්න ගියොත් එහෙම branch වල අයගෙන් හොඳ සහයෝගයක් තියනව. අද උනත් ප්‍රශ්නෙ කියපු ගමන් එයාලගෙන් වෙන්න ඕනෙ දෙවල් ඉක්මනට කරල දුන්න. හැබැයි card center එකෙ බැංකුවත් එක්ක එපා කරවනව.

ආයෙ බැංකු අත්දැකීමක් කියල වැඩිපුරම තියෙන්නෙ සම්පත් බැංකුවත් එක්ක. ඒ Xset එකක් පාවිච්චි කරපු කාලෙ. එයාලගෙනුත් හොඳ ඉක්මන් සේවයක් ලැබුන Account එක වහල දාන අවසාන මොහොතෙදි පවා.

මුල්ම බැංකු අත්දැකීම තියෙන්නෙ මොන්ටිසෝරි යන දවස් වල NSB එකත් එක්ක. අපිට මෙලෝ දෙයක් තේරෙන්නෙ නෑ. බැංකුවෙන් බස් එකකු මොන්ටිසෝරිය ගාවට එව්ව. අපිත් ගියා. ගිය ගමන් කිරිබත් එක්ක එහෙම තේ දීල එක්කෙනාට එක ගානෙ බැංකු පොත් දුන්න. පස්සෙ තමයි දන්නෙ ඒ “හපන්” ගිණුම හඳුන්වලදුන්න අවස්ථාව කියල. ආයෙ NSB එකට ගියෙ ඒක වහල දාල සල්ලි අරගන්න. පටන් ගන්න දවසෙ කන්ඩත් දීල තේත් දුන්නු බැංකුව එදා පැය දෙකක් විතර පුටු වල වාඩි කරවල තිබුණ. අඩුම හැඳුනුම්පතේ ෆොටෝකොපියක්වත් එතනින් ගන්න බෑ. ඒකත් පිටින් අරන් ගෙනිහින් දුන්නෙ. එයාල පටන් ගද්දි FAST වහද්දි SLOW 😛

ආයෙ ඉතින් ජන හද හඳුනන මහජන බැංකුව. ඒකෙත් සල්ලි නැති උනාට තාම ගිණුමක්නම් තියනව. පටන් ගත්ත දවස් වලයි ටික කාලෙකට උඩදිනම් වැඩක් කරගන්න ගියාම ගොඩන් වෙලා ඉන්න වෙනව පෝලිම්වල එහෙම. එතන ප්‍රශ්නෙ තිබුණෙ ගොඩක් මම දැකපු විදියට වැඩ කරන අයගෙ ටයිපින් ස්පීඩ් එක එහෙම තමයි. දැන්නම් අළුත් අක්කල ටිකක් ඉන්නව කොයි වෙලාවකවත් දහ දොලොස් දෙනෙකුට වඩා පෝලිමක තියන්නෙ නෑ.

ඔතනින් මගේ දැනට තියන බැංකු අත්දැකීම් ඉවරයි. “*නීට” ඔය විදියට වැඩ කලොත්නම් HNB card center එකත් ගණුදෙනුකරුවන්ට එපාම වෙලා යන දවස වැඩි ඈතක නෑ. අනිත් කාරණේ අද වෙද්දි මහ බැංකුවත් කරන්නෙ හණමිටි කාලෙ නීති තියාගෙන අවදානම් සහගත ආයෝජන වගේ දෙවල් වලින් මිනිස්සුන්ගෙ සල්ලි කාබාසිනියා කරල දාන එක මිසක් අද කාලෙට ගැලපෙන විදියට එයාලගෙ නීති රීති යාවත්කාලීන කරන එක නෙවෙයි.